Aborîzan Prof. Dr. Erol Katircioglu, bal kişand ser bandora operasyona li ser Efrinê ya li ser aboriya Tirkiye û wiha got: "Ger ku ev operasyon dirêj bibe û leşker bên kuştin, rageşiya navbera Tirkiye/DYA an jî Tirkiye/Rûsya derkeve holê û Sûriye tev li vê pêvajoyê bibe dê di demên pêş krîza aborî li ber derî be.
Hikûmeta AKP'ê ku bi polîtîkayên şer xwe li ser piyan dihêye, ji bo çavkaniyê ji şer re ava bike çav berdide pereyê welatiyan. Hikûmetê piştî benzîn û sotemenî û gelek amûrên malê zem kir, niha çav berda lîstikên şensê. Balkêş e Diyanetê beriya sersalê gotibû 'Lîstika şensê heram e."
Li gorî lêkolîna Turk-Îş'ê di meha çile de sînorê birçîbûnê yê malbata ku ji 4 kesan pêk tê, hezar û 615 TL ye. Li gorî leklînê tevî pêdiviyên zexîre, cil, xanî, perwerde, tenduristî û pêdiviyên jiyanî yên sereke sînorê xizaniyê 5 hezar û 262 ye.
Pisporê Ewlehiya Kar Kadrî Salaz, diyar kir ku Tirkiye di warê nexweşiyên pîşeyî û cinayetên karî de li cîhanê di rêza 3'yemîn û li Ewropayê jî di rêza 1'emîn de ye û ev wekî "Rûreşî" pênase kir û wiha got: "Gelek mirin di îstatîstikan de cih nagirin û hejmara ku di raporan de cih digire, gelekî kêm e."
Aborînas Sezaî Temellî diyar kir ku fatûreya operasyona leşkerî ya li dijî dê ji berîka gelê xizan bê derxistin û got: “Her şer dewam bike, nanê ser sifreya gelên Tirkiyeyê parî parî dê kêm bibe.”
Karkerên tevî Mahîr Kiliçê ku ji bo vegere ser karê xwe 70 roj e li ber şaredariyê di greva birçîbûnê de ne wiha gotin: "Şert û merc çi dibin bila bibin, heta em encamê bi dest nexin em ê dev jê bernedin."
Platforma Şaxa KESK’ê ya Îzmîrê, ji bo bi dawî anîna OHAL û KHK’ê çalakî li darxist û banga tekêkoşîna demokrasiyê ya li dijî OHAL’ê li raya giştî kir.
Esnafên Wanê piştî erdhejê ji bo deynê baca wan bê efûkirin serî li rayedaran dan, lê hemû serlêdanên esnafan bê encam hat hiştin. Bajarê Wanê di milê deynê bacê de di nava 81 bajaran de bi 6 milyon û 350 hezar tl deynê bacê ket rêza yekemîn.
Aborîzan Aydin Arî yê ji Zanîngeha Dokuz Eylulê hat îxrackirin, mudaxileya Tirkiyeyê ya Efrînê wek "pêşandeya hêza siyasî" şîrove kir û got nîşaneyên aboriyê diyar dikin ku nikarin xwe li ber şerê Efrînê bigirin.
Penêrê Wanê yê li ser taştiyên sibehê kêm nabe, li gorî sala çûyî buhayê wê ji sedî 50 zêde bû û derket 30 TL'yî. Ji ber ku buhayê penêr zêde ye welatî nikarin bikirin. Esnafan diyar dikin ku sedema zêdebûna buhayê penêr qedexeya zozanan û kêmbûna sewalkariyê ye.
Şêniyên li gundên Colemêrgê sewalkariyê dikin diyar kirin ku ji ber bihabûna êmê sewalan neçar man ku sewalên xwe derdixin çiyayan û li ser gûniyan diçêrînin.
Komeleya Zilamên Karsaz û Pîşesazan a Tirk (TUSÎAD) navê xwe guhert û navê “Komeleya Mirovên Karsaz û Pîşesazan a Tirk” li xwe kir.
Li Bazara Sewalan a Wanê ji ber buhabûna kayê û goştê îthal, sewalvan bi rojên dijwar re rû bi rû mane. Sewalkaran gotin: “Her tiştî zem dikin, lê sewal erzan in. Ev rewş bandorek neyînî li me dike.”
900 karkerên li Kana Komirê ya Adularya ya li Eskîşehîrê ji ber 3 meh in mûçeyên xwe ne sitendine dest ji kar berdan.
Serokê Piştgiriya Karkerên Taşeronî yê Dîlokê Ahmet Kurt, diyar kir ku AKP'ê di 15 salên desthilatdariya de di saziyên cemaweriyê de "dojeha taşeronî" ava kir, sererastkirina taşeronî ya serdema nû jî wekî amadekariyeke hilbijartina 2019'an dît.