Endamê Konseya Rêveberiya Neteweyî ya UNISON’ê Stephen Smellie ku yek ji mezintirîn sendîkaya cemaweriyê ya Ingilistanê ye, diyar kir ku azadiya fîzîkî ya Abdullah Ocalan ji bo pêvajoyê “krîtîk” e.
Rojnameya Xwebûne di hejmara xwe ya 296’emîn de bi manşeta “Divê ev dijminatî rawest e” derket.
Rojnamevan Faruk Eren, diyar kir ku medya ezmûneke nebaş dide û wiha got: “Zimanekî ku di pêvajoyê de her kêliyê provokasyon çêbibe bi kar tîne. Divê ev ziman biguhere. Divê aştî û demokrasiyê teşwîq bikin.”
Şêniyên Mexmurê ku bi peyama Abdullah Ocalan ve kêfxweş bûn û gotin: “Em piştî peyama Rêbertiyê weke çîçekeke ziwa ji nû ve şîn bûn.”
Li yekîneya leşkerî ya li navçeya Basayê di navbera binefserekî û çawişekî pispor de rageşî derket. Di rageşiyê de de çek hatin bikaranîn. Çawişê pispor hate kuştin û binefser jî birîndar bû.
Hevberdevka Partiya Sor Candan Polatê diyar kir ku xurtkirina têkoşîna aştiyê ya di qada civakî de erk û berpirsyartiyeke şoreşgerî dibînin.
Rêxistina DEM Partiyê ya Rihayê kesên di ERdheja Marmarayê de jiyana xwe ji dest dayin bi bîr anî û diyar kir ku ji bo darizandina berpirsyaran dê têkoşîna xwe bidomînin.
Fîlozof û rexnegirê çandê Santîago Zabala diyar kir ku modernîteya kapîstalîst hewl dide têkiliyên Kurd-Tirkan parçe bike û got: “Divê hewldanên Ocalan vala neçin.”
Li Goristana Xesfeyê ya Mûsilê goreke komî ku tê payin cenazeyên Êzidiyên ji hêla DAIŞ’ê ve hatin qetilkirin tê de ne, hate vekirin.
Bajarên bakurê Kurdistanê jî di nav de li gelek bajaran ji bo projeyên gaza xwezayî, RES, GES, û xetên enerjiyê biryara îstîmlaqkirina lezgîn hatin dayin. Biryarên serokkomariyê di Rojnameya Fermî de hatin weşandin.
Di anketa Navenda Lêkolînên Qadê ya Sosyo Polîtîkê de ji sedî 97,79’ê beşdaran xwestin di hemû qonaxên perwerdeyê de Kurdî bibe zimanê perwerdeyê.
Rojnameger Mumtazer Turkone diyar kir ku peywira esasî ya komîsyona li Meclisê civakîkirina aştiyê ye û got: “Meseleya esasî Sûriye ye. Heke di navbera HSD û rêveberiya Şamê de şer derkeve û Tirkiye li cem hikûmeta Şamê cih bigire, tiştekî bi navê pêvajoyê namîne.”
Lezgîn Dayangaç ku kurê wî Mehmet Dayangaç li Girtîgeha Hejmar 2 ya Tîpa L a Sîncanê tê ragirtin, diyar kir ku her tim zext û tundî li kurê wî tê kirin û bang li rayedaran kir ku li girtîgehê lêkolînê bikin.
