Endamê Meclisa Partiyê yê HDP'ê Cengîz Topbaşli diyar kir ku civînên gel ên di çarçoveya pêvajoya avakirina serdema nû de pêk tên hêvî didin wan û destnîşan kir ku ew navenda siyaseta Rêya Sêyemîn in û ew ê bi civînên tematîk van xebatan bidomînin.
Hevberdevka Partiya Çepên Kesk Çîgdem Kiliçgun Uçar di komcivîna li Meclisê de bal kişand darizandina rojnamegerên kurd û got: "Pêdiviya vê civakê bi çapemeniyek rasteqîn û rastiyan heye. Hevalên me yên kedkarên çapemeniyê ji ber rastiyan nivîsandine, 13 meh in girtî ne."
Nûnerên rêxistinên ked û pîşeyî çûn serdana Koma Meclisê ya Partiya Çepên Kesk û têkildarî komeqanûnê rexne, pêşniyar û daxwazên xwe parve kirin.
Berdevka HDP'ê Ebrû Gunay, diyar kir ku di pêvajoya jinûvesazkirinê de asta duyem dane destpêkirin û got ku dê li 8 herêman bi derdorên berfireh ên civakê re bi gel re civînan çêbikin.
Di civînên gel ên HDP'ê û Partiya Çepên Kesk de hat destnîşankirin ku HDP li xwebûna xwe vegere û rêxistinbûyîn ji xwecihî dest pê bike û pêşniyaza sazkirina meclisên taxan hat kirin.
Hevberdevka Partiya Çepên Kesk Çîgdem Kiliçgun Ûçar diyar kir ku Tirkiye di bijartina endamên NATO’yê de jî dijminatiya kurdan dike û bal kişand ser krîza aborî ya ku her diçe zêde dibe.
HDP û Partiya Çepên Kesk di çarçoveya amadekariyên serdema nû de dê sibe li Herêma Marmarayê starta civînên bi gel re bidin.
Hevseroka Giştî ya DBP’ê Saliha Aydenîz diyar kir ku AKP bi girankirina tecrîda li Îmraliyê re pirsgirêkên heyî girantir dike û wiha got: “Dema wê hatiye ku em li dijî tecrîdê bi dilwêrekî dengê xwe bilind bikin.”
Fezlekeyên parlamenterên ku bi piraniya wan parlamenterên HDP’ê ne yên serdema 27’emîn ku parêzbendiya wan hat rakirin şandin Serdozgeriya Komarê ya Enqereyê.
Wezîrê Karên Derve yê Tirkiyeyê Hakan Fîdan diyar kir ku ji bo endamtiya NATO’yê ya Swêdê mimkin nîne ew qala rewşekî erênî bikin.
Parlamenterê Partiya Çepên Kesk Huseyîn Olan bertek nîşanî qedexeya derketina derve ya li gundên Bedlîsê da û xwest qedexeya kur ê li ber binpêkirinên giran vedike demildest were bidawîkirin.
Partiya Çepên Kesk ragihandina qedexeya derketina derve ya li gund û mezrayên Xîzan a Bedlisê xist rojeva Meclisê.
Lijneyên Rêveberiya Navendî yên HDP û Partiya Çepên Kesk sibe dicivin.
Hevseroka Giştî ya HDP’ê Pervîn Buldan di dema hevdîtinên xwe yên li Wanê de bal kişand ser tecrîda li ser Rêberê PKK’ê Abdullah Ocalan û wiha got: “Divê tecrîda li ser birêz Ocalan tavilê were rakirin û parêzerên bikarin hevdîtinan bikni.”
HDP’ê bi boneya 30’emîn salvegera Komkujiya Madimakê daxuyanî da û wiha got: “Dewlet û îktîdara ku bi komkujiyê re hevrû nebû, hêj îro jî di navbera gel û baweriyan de cihêkariyê dike. Ji bo aştî û aramiya civakê, hevrûbûn şert e.”