Hevserokê Giştî yê HDP’ê Mîthat Sancar têkildarî siyasetmedarên ji partiya xwe yên bi hêceta çalakiyên Kobanê hatin girtin got: “Wezîrek beriya 6-8'ê Cotmehê min derbasî Kobanê kir. Bi rastî jî çi bû? Wan hêzên tarî yên di nava polîsan de ku Efkan Ala îşaretî wan dikir kî ne? Bila komîsyonek sivîl were avakirin.”
Serokkomarê AKP’yî Tayyîp Erdogan carek din gef li herêma Bakur û Rojhilatê Sûriyê (Rojavayê Kurdistanê) xwar û sînyala destwerdanê da.
MYK’a HDP’ê ya piştî operasyonên binçavkirinê civiya vê daxuyaniyê da: “Heta ku HDP hebe wê hêviya ji bo edalet, demokrasî û azadiyê ripîrast li ser pêya be. Û em ji faşîzmê re dibêjin vaye meydan! Em ê li dijî faşîzmê li ber xwe bidin. Em ê bi hev re demokrasî û edaletê bînin welat.”
KCD, DBP, TJA û HDP’ê li dijî pêla binçavkirin û girtinan û ji bo nexşerêya siberojê deklarsyonek li Amedê eşkere kir û destnîşan kirin ku li dijî faşîzmê dem ne dema sekinandinê ye û gotin: “Em yekîtiyê saz bikin, tecrîdê bişkînin, azadiyê pêk bînin.”
HDP’ê çalakiya rûniştinê ku li hemberî operasyonên li dijî xwe li meclisê dabû destpêkirin, bi dawî kir.
Endamê Şandeya Îmraliyê Hatîp Dîcle diyar kir ku çalakiyên 6-8’ê Cotmehê yên Kobanê mîlad e û got: “Rêveberiya Erdogan ango DAIŞ’ê dema ters diçûn pêvajo bi Kobanê dest pê kir. Erdogan serhildana Kobanê dike hêcet û dixwaze tola Kobanê ji HDP’ê bistîne.”
Hevşaredarê Qersê Ayhan Bîlgen ê di operasyona li dijî HDP’ê de hat binçavkirin ragihand ku ew ê îstîfa bike û got: “Min temenê ku bi demokrasiyê were leyîstin derbas kiriye.”
Cîgirê Hevserokên Giştî yê HDP'ê Alican Onlu, diyar kir ku bi van operasyonan hemû hêzên muxalif kirine armanc û wiha got: "Divê li dijî vê yekê hemû hêzên muxalif bibin yek. Eger em hêzên muxalif bibin yek emê bi ser bikevin."
Serokwekîlên Koma HDP’ê Meral Daniş Beştaş û Sarûhan Olûç, diyar kirin ku operasyona “Kobanê” hilandina tola 7’ê hezîranê ye û gotin k udi mijara Kobanê de divê desthilat hesab bide.
Partiyên ji Fîlîpînê, Ewropa, Fas û Brezîlyayê ji bo binçavkirinên HDP’ê peyama piştevaniyê şandin û diyarkirin ku ew piştgiriya HDP’ê dikin.
Îlhan Cihaner ê CHP'î piştî operasyona têkildarî Kobanê ku li dijî HDP'ê pêk hat, rêveberiya HDP'ê ya Navendî ziyaret kir. Cîhaner bertek nîşanî îqtîdarê da û got: "Divê em bi hevre vê lîstikê xera bikin."
Tifaqa Sosalîst a Avûstralya û Tevgera Guhertinê ya Yewnanistanê, operasyonên li dijî HDP’ê şermezar kirin û banga “helwest nîşandayînê” li welatên Ewropayê kirin.
Hevseroka Giştî ya HDP’ê Pervin Buldan, têkildarî operasyona li dijî rêveberên HDP'ê ya der barê bûyerên Kobanê de bang li Serokwezîrê berê Ahmet Davutoglu kir û got: "Tam dema vegotina rastiyan e."
Parlementerê HDP'ê yê Êlihê Ruştu Tiryakî, diyar kir ku AKP dixwaze heyfa binketina polîtîkaya xwe ya derveyî ji kurdan û muxalifan bistîne û got, lê belê wê ev polîtîka bi ser nekevin.
Hevsroka Giştî ya HDP’ê Pervîn Bûldan têkildarî operasyona li dijî partiya wan bersiv AKP’ê da û got: “HDP’ê serî netewand. Çond danenî. Wê çong daneyne û bila ev jî ji we re bibe derd. Ez bang li muxalefetê dikim ku li dijî êrişan bibin yek.”